ભરૂચ-નાંદેરા ગામ ખાતે તસ્કરોનો તરખાટ,એક સાથે બે મકાનોને બનાવ્યા નિશાન,૬ લાખ ઉપરાંતની મત્તાપર હાથફેરો…

દિનેશભાઇ અડવાણી

ભરૂચ વાગરા પોલીસ મથક ની હદ વિસ્તારમાં આવેલ નાંદેરા ગામ ખાતે મસ્જિદ ફળીયા વિસ્તારમાં ગત રોજ એક સાથે બે જેટલા બંધ મકાન માં તસ્કરોએ ત્રાટકી લાખ્ખો ની મત્તા ઉપર હાથફેરો કરતા ખળભળાટ મચ્યો હતો.

ગામના મસ્જીદ ફળીયા વિસ્તારના બે બંધ મકાનોમાં ચોરી થઇ હતી,જેમાં એક મકાન માંથી ૪.૫૦ લાખ તેમજ અન્ય એક મકાન માંથી ૨.૯૨ લાખ ની મત્તા માં સોના ચાંદીના દાગીના સહિત રોકડ મળી ૬ લાખ ઉપરાંતની ચોરી થતા સમગ્ર મામલા અંગે વાગરા પોલીસ મથકે ફરિયાદ થતા પોલીસે વધુ તપાસ હાથધરી છે.