અંકલેશ્વર GIDC ના પાંચમી પેઢીને તંદુરસ્તી પૂર્વક નિહાળતા મંગળાબા પુજારાના ૧૦૦માં વર્ષના પ્રવેશ નિમિતે પરિવાર દ્વારા સામાજિક સેવા સહિતના કાર્યક્રમોની ઉજવણી કરાય હતી .
મંગળાબા પૂજારાએ હાલપણ કોઈ પ્રકારની બીમારી વિના સાબૂત કાન અને દાંત સાથે ૧૦૦માં વર્ષમાં પ્રવેશ કર્યો છે આ નિમિતે પરિવારની બૃહદવાળી એવા તમામ કુટુંબીજનો સાથે વિશેષ અને અનોખી ઉજવણી કરી હતી .આ પ્રસંગે પુજારા પરિવાર દ્વારા ૧૦૦ જેટલી રક્તની બોટલો રક્તદાતાઓ તરફથી બ્લડ ડોનેશન કેમ્પમાં એકથી કરી જરૂરિયાતમંદ દર્દીઓને આપવામાં આવી હતી સાથે જ બપોરે મહિલા ભજન મંડળ દ્વારા ભજન કિર્તનનું આયોજન કરાયું હતું સાથે જ સાંજે મંગળાબાના જન્મદિન નિમિત્તે કેક કાપ્યા બાદ રાત્રે પ્રખ્યાત લોકગાયક અભેસિંહ રાઠોડ દ્વારા માતૃવંદના કાર્યક્રમનું પણ આયોજન કરાયું હતું જેમાં મોટી સંખ્યામાં શુભેચ્છકો ઉપસ્થિત રહ્યા હતા અને મંગળાબાને દીર્ધાયુ તંદુરસ્ત જીવનની શુભેચ્છાઓ પાઠવી હતી.
