ડુંગળીની આડમાં મુબંઈથી દીલ્હી લઈ જવાતો હતો જ્થ્થો…
LCB રૂ. ૧૧ લાખના મુદ્દામાલ સાથે બે ની ધરપકડ કરી…
ભરૂચ LCB પોલિસે બાતમીનાં આધારે તા. ૨૯ મી ની મોડી રાત્રે અંક્લેશ્વર હાઈવે પરથી ડુંગળીની આડમાં ગેરકાયદેસર રીતે લઈ જવાતો ખેરનાં લાકડાનો જથ્થો ઝડપી પાડ્યો હતો.
પ્રાપ્ત પોલિસ સૂત્રીય માહિતિ અનુસાર ભરૂચ LCB પોલિસનાં ASI બાલિભાઈ, મનસુખભાઈ, મણિલાલ સહિત પોલિસ જવાનોએ બાતમીનાં આધારે અંક્લેશ્વર નેશનલ હાઈવે નં-૮ પર તા. ૨૯મીની રાત્રે વોચ ગોઠવી હતી. વોચ દરમિયાન તેમણે મુંબઈ તરફથી આવતી એક ટ્રક નં-MP.09 HF- 7852 ને ખરોડ ચોકડી નજીક અટકાવી હતી.
ટ્રકની તલાસી લેતાં તેમાથી ડુંગળીની આડમાં લઈ જવાતો ખેરનાં લાકડાનો જથ્થો મળી આવ્યો હતો. કોઈ પણ બિલ કે પરમિટ વિનાનાં અલગ અલગ સાઈઝનાં ૨૯ નંગ ખેરનાં લાકડાં કિંમત રૂ. ૫ લાખ સાથે પોલિસે તમિલનાડુનાં રહેવાસી સુલતાન પેટનાં નેહરુનગર, કેલામંગલમનાં રહેવાસી રોશન જમીર અબુબકર શેખ અને ફૈયાઝ બશીર સૈયદ ની ધરપકડ કરી છે. LCB એ ખેરનાં લાકડાં કિંમત રૂ. ૫ લાખ, ટ્રકની કિંમત રૂ. ૫ લાખ ૪૮૦૦ KG ડુંગળી કિંમત રૂ. ૯૬૦૦૦,રોકડા રૂ. ૧૨૦૦૦ તથા બે મોબાઈલ કિં.રૂ. ૫૦૦૦ મળી કુલ રૂ. ૧૧,૧૩,૦૦૦ નો મુદ્દામાલ જપ્ત કરી બે આરોપી વિરુધ્ધ કાર્યવાહી હાથ ધરી છે. આ જથ્થો મુંબઈથી ભરી દિલ્હી લઈ જવાતો હોવાની વિગતો પૂછપરછમાં સામે આવી છે. LCB એ વનવિભાગને પણ આ ઘટના અંગે જાણ કરી છે.
