બનાવ અંગે ની જાણવા મળતી માહિતી મુજબ ભરૂચ જીલ્લા ના અંકલેશ્વર નેશનલ હાઇવે પર આવેલ ખરોડ ગામ ના પાટિયા નજીક આજ રોજ બપોર ના સમયે લકઝરી બસ.ટેમ્પો.કાર અને અન્ય એક વાહન વચ્ચે ઉપરાછાપરી ગમખ્વાર અકસ્માત સર્જાતા ખાનગી લક્ઝરી બસ પલ્ટી ખાતા સમગ્ર અકસ્માત ના બનાવો માં બસ માં સવાર મુસાફરો સહીત ૧૦ થી વધુ લોકો ને ઈજાઓ પહોંચી હતી.અંકલેશ્વર હાઇવે ઉપર સર્જાયેલ ગમખ્વાર અકસ્માત ના બનાવ અને ઇજાગ્રસ્તો ની બૂમો ના પગલે ઉપસ્થીત લોકો માં ભારે અફરાતફરી નો માહોલ સર્જાયો હતો..સ્થાનિક ગ્રામ જનો એ ઇજાગ્રસ્ત લોકો ને સલામત રીતે કાઢવા સાથે તાત્કાલિક ઘટના અંગે ની જાણ ૧૦૮ ઇમરજન્સી ને કરતા ૧૦૮ એમ્બ્યુલન્સે ઘટના સ્થળે દોડી જઈ તમામ ઇજાગ્રસ્તો ને અંકલેશ્વર ખાતે ના હોસ્પિટલ માં ખસેડવાની કવાયત હાથધરી હતી.નેશનલ હાઇવે ઉપર સર્જાયેલ ઉપરા છાપરી વાહનો વચ્ચે માં અકસ્માત ના પગલે એક સમયે હાઇવે ઉપર થી પસાર થતા વાહનો ના જીવ તાળવે ચોંટી ગયા હતા તો બીજી તરફ થોડા સમય માટે ટ્રાફિક જામ ના દ્રશ્યો પણ સર્જવવા પામ્યા હતા… સમગ્ર મામલા અંગે ની જાણ સ્થાનિક પોલીસ મથકે થતા પોલીસે પણ ઘટના સ્થળે દોડી જઈ પરિસ્થિતિ ઉપર કાબુ મેળવી હાઇવે ઉપર સર્જાયેલ અકસ્માત અંગે ની નોંધ લઇ ટ્રાફિક ને હળવો કરવા સાથે ની કવાયત હાથધરી હતી…………
