માંગરોળ ખાતે આગામી તારીખ 15 ડિસેમ્બરના રોજ દક્ષિણ ગુજરાત કોંગ્રેસના પ્રભારી ઉષા નાયડુ આવનાર હોવાથી આ કાર્યક્રમના આયોજન માટે જિલ્લા કોંગ્રેસ પ્રમુખ મનહરભાઈ પટેલના અધ્યક્ષ સ્થાને કોંગ્રેસ કાર્યકરોની બેઠક યોજાઇ હતી.
લોકસભાની ચૂંટણીઓ હવે નજીક આવી રહી છે ત્યારે બારડોલી લોકસભા બેઠકમાં સમાવિષ્ટ માંગરોળ વિધાનસભા મતવિસ્તારમાં કોંગ્રેસ પક્ષ દ્વારા ચૂંટણીલક્ષી તૈયારીઓ શરૂ કરવામાં આવી છે જેના ભાગરૂપે માંગરોળમાં કોંગ્રેસ આગેવાનો કાર્યકરોની મીટીંગ યોજાઇ હતી. દક્ષિણ ગુજરાત કોંગ્રેસના પ્રભારી ઉષા નાયડુના કાર્યક્રમ અંગેનું આયોજન કરવામાં આવ્યું હતું તેમજ અગામી સમયમાં પાર્ટી દ્વારા દરેક જિલ્લા પંચાયત બેઠક અને તાલુકા પંચાયત બેઠક પ્રમાણે આગેવાનોને વિવિધ સંગઠનલક્ષી જવાબદારીઓ સોંપવામાં આવનાર છે તે અંગેની ચર્ચાઓ કરવામાં આવી હતી તેમજ પાર્ટીના આગામી કાર્યક્રમોનું આયોજન કરવામાં આવ્યું હતું. આ બેઠકમાં તાલુકા કોંગ્રેસના હોદ્દેદારો આગેવાનો ઉપસ્થિત રહ્યા હતા અને વિસ્તૃત માહિતી અને માર્ગદર્શન પૂરું પાડ્યું હતું.
વિનોદ મૈસુરિયા : વાંકલ
