માંગરોળના માંડણ ગામે કૂવામાંથી દોઢ વર્ષનો દીપડો મૃત હાલતમાં મળ્યો

માંગરોળ તાલુકાના માંડણ ગામે ખેતરના કુવામાંથી દોઢ વર્ષનો દીપડો મૃત હાલતમાં મળી આવ્યો હતો. માંડણ ગામના ખેડૂત કમલેશભાઈ ખાનસિંગભાઈ ચૌધરી એ પોતાના ખેતરમાં કૂવો બનાવ્યો છે આ કૂવામાં રાત્રી દરમિયાન શિકારની શોધમાં આવેલ દોઢ વર્ષનો દીપડો પડ્યો હતો, સવારે ખેડૂત ખેતરે આવતા તેણે દીપડાને મૃત હાલતમાં જોતા રેન્જ ફોરેસ્ટ ઓફિસર કિરણભાઈ પટેલને જાણ કરી હતી અને ત્યારબાદ વન વિભાગના હિતેશભાઈ માલી દિલીપભાઈ ગામીત વગેરેની ટીમ દ્વારા દીપડાને કૂવામાંથી બહાર કાઢવામાં આવ્યું હતું ત્યારબાદ દીપડાના મૃતદેહનું પીએમ કરાવી આ દિશામાં તપાસ કરવામાં આવી રહી છે.

વિનોદ મૈસુરિયા : વાંકલ