ભરૂચ જિલ્લામાં ચાલુ વર્ષે આગ લાગવાની અનેકો ઘટનાઓ સામે આવી ચુકી છે, ખાસ કરી જિલ્લાના ઔધોગિક એક્મો વિસ્તારમાં આગ લાગવાની સતત ઘટનાઓ અવારનવાર સર્જાતી હોય છે,ત્યારે આજરોજ વધુ એક ઘટનાં વાગરા તાલુકાના ઔધોગિક વિસ્તારમાંથી સામે આવી હતી.
વાગરાના સાયખા જીઆઈડીસી વિસ્તારમાં આવેલ ધર્મજ કંપનીમાં આજે બપોરના સમયે કંપનીના પ્લાટમાં એકાએક અચાનક આગ ફાટી નીકળતા ભારે નાશભાગ મચી હતી, જોત જોતામાં આગે વિકરાળ સ્વરૂપ ધારણ કરતા મામલા અંગેની જાણ નજીકના ફાયર વિભાગમાં કરવામાં આવી હતી.
આગની જવાળાઓ વચ્ચે રહેલા કંપનીના કામદારોને સલામત સ્થળે ખસેડવામાં આવ્યા હતા જે બાદ ફાયરના લાશકરો એ આગ ઉપર પાણીનો મારો ચલાવી તેને કાબુમાં લેવાના પ્રયાસો હાથ ધરવામાં આવ્યા હતા, હાલ આ આગ ક્યા કારણોસર લાગી છે તે બાબત સ્પષ્ટ થઈ નથી, જોકે આગના પગલે કંપનીમાં મોટી નુકશાનનું અનુમાન લગાવાઈ રહ્યું છે.
Advertisement
