માંગરોળમાં વીજ કંપનીએ મોટા કાફલા સાથે દરોડા પાડી 61 લાખની વીજચોરી ઝડપી પાડી

માંગરોળ તાલુકામાં વીજ કંપનીએ મોટા કાફલા સાથે માંગરોળ મોસાલી અને વસરાવી સહિત ત્રણ ગામોમાં વહેલી સવારે દરોડા પાડી ₹61 લાખની વીજચોરી ઝડપી પાડી હતી.

વીજ કંપની ભરૂચ, સુરત, વલસાડ અને બરોડાની વિજિલન્સ ટીમના અધિકારીઓએ પોલીસ બંદોબસ્ત સાથે કુલ 110 જેટલા કર્મચારીઓની 27 ટીમ બનાવી તાલુકાના ત્રણ જેટલા ગામોમાં વિજ ચેકિંગ હતું કુલ 1026 જેટલા વીજ કનેક્શનનો ચેક કરાતા 47 જેટલા વીક કનેક્શનમાં ચોરી મળી આવી હતી. તમામ વીજચોરી કરનારાઓને રૂપિયા 61 લાખના દંડનીય વિજ બિલો ફટકારવામાં આવ્યા હતા જેથી વીજ ચોરોમાં ફફડાટ વ્યાપી ગયો હતો.