ભરૂચ જિલ્લાના નબીપુર પોલીસ મથકની હદમાં આવતા 33 ગામોમાં સોના ચાદીનો વ્યવસાય કરતા વેપારીઓ સાથે નબીપુર પોલીસ મથકના ઇન્ચાર્જ પી.એસ.આઈ. વી.એ.રાણાની અધ્યક્ષતામાં સુરક્ષા અંગે એક શિબિરનું આયોજન કરાયું હતું. જેમાં જો કોઈ ગ્રાહક ઉપર શંકા, કોઈ ચોરી કે કોઈ છેતરપિંડી જેવું જણાય તો તરત પોલીસ મથકનો સંપર્ક કરવા જણાવાયું હતું. ગુનાઓને ડામવા માટે દરેક દુકાનોમાં CCTV કેમેરા લગાવવાની અગત્યતા પર ભાર મૂકવામાં આવ્યો હતો. આ શિબિરનો મુખ્ય ઉદ્દેશ ગુનાહિત કૃત્યોને ડામવા માટેનો હોવાનું જાણવા મળ્યું હતું. આયોજિત બેઠકમાં વેપારીઓ મોટી સંખ્યામાં ઉપસ્થિત રહયા હતા.
યાકુબ પટેલ, પાલેજ
Advertisement
