મધ્યપ્રદેશના ખરગોનમાં એક મોટો અકસ્માત થયો છે. દસંગામાં પુલ પરથી બસ નીચે પડી હતી. બસમાં 50 થી વધુ મુસાફરો સવાર હતા. તે જ સમયે, આ ઘટનામાં 15 લોકોના મોત થયા છે. ઘટનાની સૂચના મળ્યા બાદ પોલીસનો કાફલો ઘટના સ્થળો પહોંચ્યો હતો, ઘટનાસ્થળ પર અફરાતફરીનો માહોલ છે. આ ઘટનામાં કેટલાક મુસાફરોના મોતના અહેવાલ પણ સામે આવ્યા છે.
ડોક્ટરોએ 15 લોકોને મૃત જાહેર કર્યા છે જ્યારે 25 જેટલા લોકો હોસ્પિટલમાં સારવાર હેઠળ છે. આ અંગે ખરગોનના પોલીસના SP ધરમવીર સિંહનું કહેવું છે કે, આ દુર્ઘટનામાં 15 લોકોના મોત થયા છે જ્યારે 25 લોકો ઘાયલ થયા છે. તેણે જણાવ્યું કે ઈન્દોર જઈ રહેલી બસમાં લગભગ 50 લોકો સવાર હતા.
મધ્યપ્રદેશ સરકારે ખરગોન બસ દુર્ઘટનામાં જીવ ગુમાવનારા લોકોના પરિવારજનોને વળતરની જાહેરાત કરી છે. સરકારે આ દુર્ઘટનામાં જીવ ગુમાવનારા લોકોના પરિવારજનોને 4-4 લાખ રૂપિયાનું વળતર આપવાની જાહેરાત કરી છે. આ અકસ્માતમાં ગંભીર રીતે ઘાયલ થયેલાઓને 50 હજાર અને અન્ય ઘાયલોને 25 હજાર રૂપિયા આપવામાં આવશે.
