ભરૂચ ખાતે જિલ્લા કક્ષાનો બાળમેળા અને લાઈફસ્કીલ મેળા ડોક્યુમેન્ટેશન વર્કશોપ યોજાયો.

જીસીઈઆરટી., ગાંધીનગર પ્રેરિત જિલ્લા શિક્ષણ અને તાલીમ ભવન ભરૂચ આયોજિત બાળમેળા અને લાઈફસ્કીલ મેળા ડોકયુમેન્ટેશન વર્કશોપ તારીખ 29,30 ઓગસ્ટ 2022 ના રોજ ડાયટ ભરૂચ ખાતે યોજાયો. આ સમગ્ર કાર્યક્રમ ભરૂચ ડાયટના પ્રાચાર્ય કલ્પના એન. ઉનડકટની પ્રેરણા અને માર્ગદર્શન હેઠળ તજજ્ઞ તરીકે યતીન પટેલ, નીરવ પટેલ, ભદ્રેશ પંચાલ તથા ડાયટ ભરૂચના લેકચરર ડો.જતીન મોદી દ્વારા ડોકયુમેન્ટેશનની સમજ પૂરી પાડવામાં આવી હતી. જેમાં જિલ્લાના જુદા જુદા તાલુકામાંથી કુલ 60 જેટલા શિક્ષકો વર્કશોપમાં જોડાયા હતા. સમગ્ર કાર્યક્રમનું સંચાલન ડાયટ ભરૂચના સિ.લેક્ચરર પ્રીતિ બી.સંઘવી અને લેકચરર ડો.જતીન મોદી દ્વારા કરવામાં આવ્યું હતું.