સામાન્ય રીતે વાહનોમાં આગ લાગવાની અનેક ઘટનાઓ અવારનવાર પ્રકાશમાં આવતી હોય છે. સી.એન.જી વાહનોમાં આગ લાગવાના અનેક બનાવો બનતા હોય છે. પેટ્રોલ, ડીઝલમાંથી મુક્તિ માટે હવે લોકો ઇલેક્ટ્રિક વ્હીકલો તરફ વળી રહ્યા છે, તેવામાં હવે ઇલેક્ટ્રિક વ્હીકલમાં પણ આગ લાગવાની ઘટનાઓ સામે આવી રહી છે.
ગતરાત્રીના સમયે ભરૂચ શહેરના શ્રવણ ચોકડી વિસ્તાર ખાતેના એક શોપિંગ કોમ્પલેક્ષના પાર્કિંગમાં પાર્ક કરેલ ઇલેક્ટ્રિક વ્હીકલ સ્કુટરમાં આચનક આગ ફાટી નીકળતા ઉપસ્થિત લોકોમાં એક સમયે નાસભાગ મચી હતી. ઘટના અંગેની જાણ ભરૂચ ફાયર વિભાગમાં કરવામાં આવતા ફાયર વિભાગના લાશકરોએ તાત્કાલિક ઘટના સ્થળે દોડી જઈ આગ પર પાણીનો મારો ચલાવી આગને ઓલવતા ઉપસ્થિત લોકોએ રાહતનો શ્વાસ અનુભવ્યો હતો.
Advertisement
હારુન પટેલ : ભરૂચ
મો. : 99252 22744
