નર્મદા જિલ્લામાં તા.૨૨ મી જૂલાઇ, ૨૦૨૨ ને શુક્રવારના રોજ સવારના ૬:૦૦ કલાકે પુરા થતાં છેલ્લા ૨૪ કલાક દરમિયાન સૌથી વધુ સાગબારા તાલુકામાં-૦૬ મિ.મિ. અને સૌથી ઓછો નાંદોદ તાલુકામાં-૦૧ મિ.મિ. વરસાદ નોંધાયો છે. તદઉપરાંત તિલકવાડા તાલુકામાં-૦૩ અને દેડીયાપાડા તાલુકમાં-૦૨ મિ.મિ વરસાદ નોંધાયો છે જ્યારે ગરૂડેશ્વર તાલુકામાં વરસાદ બિલકુલ નોંધાયો નથી. ઉપરાંત નર્મદા જિલ્લામાં આજદિન સુઘી સરેરાશ કુલ-૧૦૯૧ મિ.મિ. વરસાદ નોંધાયો હોવાના અહેવાલ નર્મદા જિલ્લા પૂર નિયંત્રણ કક્ષ તરફથી પ્રાપ્ત થયાં છે.
જિલ્લામાં ચાલુ વર્ષના મોસમના કુલ વરસાદની આજદિન સુધીની પરિસ્થિતિ જોઇએ તો દેડીયાપાડા તાલુકો-૧૩૭૬ મિ.મિ. વરસાદ સાથે જિલ્લામાં મોખરાના સ્થાને રહ્યોં છે. જ્યારે તિલકવાડા તાલુકો -૧૧૪૫ મિ.મિ. સાથે દ્વિતિય સ્થાને, સાગબારા તાલુકો-૧૦૭૦ મિ.મિ. સાથે તૃતિય સ્થાને, ગરૂડેશ્વર તાલુકો- ૯૩૩ મિ.મિ.સાથે ચોથા ક્રમે અને નાંદોદ તાલુકો-૯૩૧ મિ.મિ. વરસાદ સાથે પાંચમા સ્થાને રહેવા પામ્યો છે.
જિલ્લાના વિવિધ ડેમોની સપાટીની પરિસ્થિતિ જોઇએ તો નર્મદા ડેમ-૧૨૨.૯૨ મીટર, કરજણ ડેમ-૧૦૬.૨૧ મીટર, નાના કાકડીઆંબા ડેમ-૧૮૭.૧૦ મીટર અને ચોપડવાવ ડેમ-૧૮૭.૪૩ મીટર અને નર્મદા નદીનું ગરૂડેશ્વર પાસેનું ગેજ લેવલ ૧૫.૮૯ મીટરની સપાટીએ હોવાના અહેવાલ પણ નર્મદા જિલ્લા પૂર નિયંત્રણ કક્ષ તરફથી પ્રાપ્ત થયાં છે.
