નડિયાદના બિલોદરા શેઢી નદી નજીક એસટીએ આગળ જતી ગાડીને ટકકર મારતાં વૃદ્ધનું ગંભીર ઈજાઓને કારણે મોત નિપજયું હતું. જ્યારે બે વ્યક્તિને ઈજા થતાં સારવાર માટે હોસ્પિટલ ખસેડવામાં આવ્યા હતા.
અમદાવાદ વૈષ્ણવદેવી સર્કલ પાસે રહેતા હીરેનભાઈ વાઘાણી તા.૧૩ મી જુલાઈની રાત્રે પોતાના કાકાની કાર લઈને તેમના દાદા કાળાભાઈ થોભણભાઈ ભોઈ, પિતા ગિરધરભાઈ, માતા હેમાબેનને લઈ અમદાવાદથી સુરત જઈ રહ્યા હતા. રાત્રે ગાડી અમદાવાદ – વડોદરા એક્સપ્રેસ હાઈવે પર નડિયાદના બિલોદરા શેઢી નદી આગળથી પસાર થઈ રહી હતી. ત્યારે એક એસટી બસે ગાડીને પાછળથી ટક્કર મારી એસટી ચાલક ફરાર થઈ ગયો હતો. આ અંગે નડિયાદ રૂરલ પોલીસે ગુનો નોંધી વધુ તપાસ હાથ ધરી છે.
Advertisement
નરેશ ગનવાણી : નડિયાદ
