દહેજ ઇન્ડસ્ટ્રીયલ એરિયામાં ગ્લેન્ડા ગામે આવેલ ત્રિમૂર્તિ ફેબ્રિકેટર્સ કંપનીમા થયેલ એસ.એસના સામાનની ચોરીનો ભેદ ઉકેલી પાંચ આરોપીઓને ભરૂચ એલ.સી.બી પોલીસે ઝડપી પાડયા છે.
પ્રાપ્ત વિગતો અનુસાર ગત તા.6/6/22 નાં રોજ રાત્રીના સમયે દહેજ ઇન્ડસ્ટ્રીઝ ખાતે આવેલ ગ્લેન્ડા ગામે ત્રિમૂર્તિ ફેબ્રિકેટર્સની પ્રાઇવેટ લિમિટેડમાથી રૂપિયા 3,87,734 ના એસ.એસ ના સામાનની ચોરીની ફરિયાદ નોંધાઈ હતી. જે ફરિયાદ અનુસંધાને એલસીબીની ટીમ પેટ્રોલિંગમાં હતી જે દરમ્યાન હ્યુમન ઈન્ટેલીજન્સ દ્વારા બાતમી અને હકીકતના આધારે પાંચ આરોપીઓને ઝડપી પાડ્યા છે. (1) આકાશ ઉર્ફે કાલુ હીરામણિલાલ વસાવા (2) મોન્ટુ સિદ્ધેશ્વર પાસવાન (3) મોહિત રાજેશ પાલ (4) દિનેશકુમાર ધેવરચંદ જૈન (5) સુરેશ મોહનલાલ જૈનને એલસીબીની ટીમે ઝડપી લઇ તેમની પાસેથી ચોરીનો મુદ્દામાલ એસ.એસ ના પાઈપો, મહિન્દ્રા પિકઅપ ગાડી, મોબાઇલ ફોન મળી કુલ રૂ. 8,50,734 નો મુદ્દામાલ પોલીસે કબ્જે કર્યો છે.
