ભરુચ જીલ્લાના ઝઘડીયા તાલુકાના એક ગામની એક ૧૭ વર્ષીય સગીરાને કોઇ અજાણ્યો ઇસમ ભગાડી ગયો હોવાનો બનાવ બનવા પામ્યો છે.
આ અંગે મળતી વિગતો મુજબ આ સગીરા ધો.૧૦ સુધીનો અભ્યાસ કરેલ છે, તેમજ તે તેના મોટાકાકા સાથે રહે છે. દરમિયાન ગત તા.૧૫ મીના રોજ પરિવારના સભ્યો રાતના સાડા દસેક વાગ્યાના અરસામાં જમી પરવારીને સુઇ ગયા હતા. રાતના બે વાગ્યે સગીરાના મોટાકાકા જાગ્યા ત્યારે તેમની સગીર વયની ભત્રીજી ઘરમાં જ્યાં સુતી હતી ત્યાં જણાઇ નહતી. ત્યારબાદ પરિવારજનોએ તેની શોધખોળ કરવા છતાં તે મળી નહતી. કોઇ અજાણ્યો ઇસમ તેમના વાલીપણામાંથી તેમની સગીર વયની ભત્રીજીનું અપહરણ કરી લઇને નાશી ગયો હોવાની ખાતરી થતા સગીરાના વાલીએ નજીકના પોલીસ સ્ટેશનમાં સગીરાને ભગાડી જનાર અજાણ્યા ઇસમ વિરુધ્ધ ફરિયાદ લખાવતા પોલીસે ગુનો નોંધી તપાસ હાથ ધરી હતી. ઉલ્લેખનીય છેકે ઝઘડિયા તાલુકામાં અવારનવાર સગીર વયની યુવતીઓને પટાવી ફોસલાવીને લગ્નની લાલચ આપી ભગાડી જવાની ઘટનાઓ બનતી હોવાનું જાણવા મળ્યું છે.
ગુલામહુશેન ખત્રી રાજપારડી જી.ભરૂચ
