રાજપીપલા નજીક આવેલ કરજણ નદીના પુલ પહેલા વળાંકમા મોટર સાઇકલ અને ઇકો ગાડીને અકસ્માત નડતા અકસ્માતમા એક મહિલાનું મોત નીપજ્યું છે. આ અંગે અકસ્માત મોત ગુનાની ફરિયાદ રાજપીપલા પોલીસ મથકે નોંધાઈ છે. જેમાં ફરીયાદી મુકેશભાઈ અમ્રુતલાલ પ્રજાપતી (ધંધો.મજુરી રહે. એકતાનગર ડેડીયાપાડા રોડ નેત્રંગ તા.નેત્રંગ જી.ભરૂચ)એ આરોપી સતિષભાઈ રમેશભાઈ વસાવા (રહે.જેસલપોર તા.નાંદોદ જી.નર્મદા)સામે ફરિયાદ નોંધી છે.
બનાવની વિગત અનુસાર આરોપીએ પોતાની મોટરસાઇકલ ગાડીનં GJ.16.DE.3040 ના ચાલકે પુરઝડપે અને ગફલતભરી રીતે હંકારી લાવી પોતાની સાઈડ છોડી રોંગ સાઈડે ચલાવી ફરીયાદીની ઈકો ગાડીને સામેથી ટક્કર મારી અકસ્માત કર્યો હતો. જેમાં નિર્મળાબેનને ડાબા હાથે ઈજા કરી હતી. તેમને સારવાર માટે સારવારમાટે હોસ્પિટલમા ખસેડાતા તેમનું સારવાર દરમ્યાન મોત નીપજ્યું હતું. પોલીસે અકસ્માત મોતનો ગુનો નોંધી કાર્યવાહી હાથ ધરી છે.
દીપક જગતાપ, રાજપીપલા
