વડોદરામાં સિંધરોટ રોડ પર ઇકો કારમાં આગ ભભૂકી ઉઠતા ચાલકનું મોત.

વડોદરાના સિંધરોટ રોડ પર ઇકો કારમાં અચાનક જ આગ લાગતા અફરાતફરીનો માહોલ સર્જાયો હતો. કાર ચાલક આગની લપેટમાં આવતા બળીને ભડથું થઇ જતાં તેનું મોત નીપજયું હતું.

વડોદરાના સિંધરોટ રોડ પર વહેલી સવારે ઇકો કારમાં અચાનક આગ લાગી હતી. આ આગના બનાવમાં ઇકો વાહનનો ચાલક બળીને ભડથું થઇ ગયો હતો. આગ લાગવાની જાણ થતા વડીવાડી ફાયર બ્રિગેડના કાફલાને જાણ કરવામાં આવી હતી, તાત્કાલિક ધોરણે ઘટનાસ્થળે પહોંચ્યો હતો અને આગને કાબુમાં લેવાના પ્રયત્નો હાથ ધર્યા હતા. આગ લાગવાનું પ્રાથમિક કારણ શોર્ટસર્કિટના કારણે આગ લાગી હોય તેવું માનવામાં આવ્યું છે. આ આગના બનાવના પગલે તાલુકા પોલીસ પણ ઘટનાસ્થળે પહોંચી હતી અને એફઆઈઆર નોંધી આગળની કાર્યવાહી હાથ ધરેલ છે.