ભરૂચમાં ભારતીય બનાવટના વિદેશી દારૂના જથ્થા સાથે એક મહિલા તેમજ એક ઇસમને સી ડિવિઝન પોલીસે ઝડપી પાડયા છે.
પ્રાપ્ત વિગતો અનુસાર વડોદરાના પોલીસ અધિક્ષક એમ.એચ ભરાડા તથા ભરૂચના પોલીસ અધિક્ષક ડોક્ટર લીના પાટીલ દ્વારા દારૂના કેસો શોધી કાઢવાની સૂચના આપવામાં આવી હતી જે અનુસંધાને સી ડિવિઝન પોલીસ નાઈટ પેટ્રોલિંગમાં હતી તે દરમિયાન બાતમીના આધારે નેશનલ હાઈવે સુરતથી વડોદરા તરફ જતાં ટેમ્પાની તલાશી લેતા આરોપી રમેશચંદ્ર કેશીયા મીણા રહેઠાણ રાજસ્થાન અને પારુલ વિનોદ વાઘેલા રહેઠાણ નવસારી બંનેને પોલીસે ભારતીય બનાવટના વિદેશી દારુની હેરફેર કરતા ઝડપી પાડયા છે. આ બંને શખ્સોના ટેમ્પામાંથી પોલીસને ભારતીય બનાવટના વિદેશી દારૂની બોટલો નંગ 708 કિંમત રૂપિયા 85,200/- 3 મોબાઇલ ફોન કિંમત રૂપિયા 25000, બોલેરો પિકઅપ ગાડી કિંમત રૂપિયા ૪ લાખ સહિત અંગ ઝડતીની રોકડ રકમ બે હજાર સહિત કુલ મુદ્દામાલ રૂપિયા 5,12,200 સાથે બંને આરોપીઓને ઝડપી લઇ પોલીસે કાયદેસરની કાર્યવાહી હાથ ધરેલ છે.
