વડોદરાના આજવા ખાતે આતાપી વન્ડરલેન્ડમાં ગેરકાયદેસર હોટલ બનાવવાના મુદ્દે આજે વડોદરા કોંગ્રેસ પક્ષના સિનિયર કોર્પોરેટર દ્વારા મ્યુ. કમિશનર સમક્ષ લેખિત પત્ર પાઠવી રજૂઆત કરાઇ હતી.
વડોદરાના આજવા ખાતે આતાપી વન્ડરલેન્ડમાં હોટલનું નિર્માણ અટકાવવા મુદ્દે વડોદરા મહાનગર પાલિકાના કોંગ્રેસ પક્ષના સિનિયર કોર્પોરેટર ચંદ્રકાંત શ્રીવાસ્તવ, પુષ્પાબેન વાઘેલા, બાળુ સુર્વે, જહા ભરવાડ હરીશ પટેલ સહિતનાઓએ મ્યુ. કમિશનર સમક્ષ આવેદનપત્ર પાઠવ્યું હતું. આ આવેદનપત્રમાં જણાવ્યું છે કે સત્તાપક્ષના પદાધિકારીઓ અને કોર્પોરેટર તેમજ કમિશનરની મિલીભગતથી કોઈપણ પ્રકારની પરવાનગી વગર 200 વિઘાનુ ગાર્ડન કોમર્શિયલ ઉપયોગ માટે આતાપી વન્ડરલેન્ડને આપવામાં આવ્યું છે જેની પરમિશન રદ કરવામાં આવે, મહાનગરપાલિકા દ્વારા દબાણો દૂર કરવામાં આવે છે ત્યારે આતાપી વન્ડરલેન્ડને પણ દૂર કરવામાં આવે, સામાન્ય સભામાં કોઇ પણ પ્રકારનો ઠરાવ પસાર થયો નથી. સર સયાજીરાવ ગાયકવાડે આ જમીન મહાનગરપાલિકાને સુપરત કરી હતી પરંતુ ભારતીય જનતા પાર્ટીના સત્તાધીશોએ વેચવા માટે અને કોમર્શિયલ બિઝનેસ માટે અત્યંત મહત્વની ગણાતી એવી જમીન આતાપી વન્ડરલેન્ડને આપી દીધેલ છે. કોઈપણ પ્રકારના ધારાધોરણો વર આ જમીન કેવી રીતે આપવામાં આવી તેમજ સર સયાજીરાવ ગાયકવાડે જમીન વડોદરા મ્યુનિસિપલ કોર્પોરેશનને આપી હતી તેના પર રાજ્ય સરકાર કઈ રીતે તરાપ મારી શકે? તે સહિતના મુદ્દે કોંગ્રેસે મ્યુ.કમિશનર સમક્ષ આવેદનપત્ર પાઠવ્યું છે. આગામી સમયમાં આ મુદ્દે જો કોઈપણ પ્રકારની કામગીરી કમિશનર દ્વારા કરવામાં નહીં આવે તો કોંગ્રેસી કોર્પોરેટરો દ્વારા કમિશનર કચેરી સમક્ષ ધરણા કરી વિરોધ પ્રદર્શિત કરવાની ચીમકી આપી છે.
વડોદરાના આજવા ખાતે આતાપીનાં મુદ્દે કોંગ્રેસી કોર્પોરેટર દ્વારા મ્યુ.કમિશનરને પાઠવ્યું આવેદન.
Advertisement
