આઝાદીના અમૃત મહોત્સવ નિમિત્તે નડિયાદની વાલ્લા શાળાના આકર્ષક પ્રવેશદ્વારનો નવતર પ્રયોગ.

નડિયાદ તાલુકાની વાલ્લાના હિતેશભાઈ બ્રહ્મભટ્ટે આઝાદીના અમૃત મહોત્સવ નિમિત્તે શાળાના આકર્ષક પ્રવેશદ્વારનો નવતર પ્રયોગ કર્યો છે. જે સમગ્ર ખેડા-આણંદમાં સૌ પ્રથમ પ્રયાસ છે પ્રવેશદ્વારે તિરંગો રંગ શોભે છે, સાથે બન્ને બાજુએ ઊભેલી વિશાળ લાલ પેન્સિલ ખૂબ આકર્ષક દેખાય છે. શાળાના સાત પગથિયાં એ જાણો કે. સફળતાના સાત પગથિયાં છે. વિખ્યાત વૈજ્ઞાનિક આલ્બર્ટ આઈન્સ્ટાઈને બતાવેલ સફળતાના સાત પગથિયાં ૧
સ્વપ્ન, ૨ સંકલ્પ ,૩ આયોજન, ૪ શ્રમ, ૫ શ્રમ, ૬ શ્રમ અને ૭ શ્રમ સફળ થવાની અનેરી પ્રેરણા આપે છે. સાથે આ સાત પગથિયાંના સાત મેઘધનુષી રંગ પણ ખુશહાલ જીવન માટે જાણે કે મહેનત કરવાની શીખ આપે છે.

આ દરવાજા પાસે જ મોટી સ્લેટ પણ છે જેમાં લખેલ સૂત્ર પણ ખૂબ જ સૂચક છે. “મારી દઉં હું ઘરને તાળા, મને વહાલી મારી શાળા.”અહીં બાળકોનો કિલ્લોલ નજરે પડે છે. પોતાના ઘરને તાળા મારી દઈ દોડીને શાળાએ આવેલ આ બાળદેવોના હાથમાં ચાવીઓ પણ છે. કહેતાં ઘર જેવું કે ઘરથી પણ સવાયું વાતાવરણ શાળામાં અનુભવાય છે તેથી જ તાળા મારી દોડીને શાળામાં આવ્યા છે આજુબાજુ બાળકોના મનગમતા કાર્ટુન પાત્રો ભણતરનું મહત્વ સમજાવી રહ્યા નજરે પડે છે.

સાથે આઝાદીના અમૃત મહોત્સવનું પ્રતિક પણ ઉત્સાહ પ્રેરક બની રહે છે. તન-મન-ધન અને સમયદાન આપીને હિતેશભાઈ બ્રહ્મભટ્ટે ખૂબ જ આકર્ષક પ્રવેશદ્વાર તૈયાર કરી બાળદેવોને અર્પણ કરેલ છે.પ્રેરક નવતર વિચાર, આયોજન અને શાળા સમય બાદ-રવિવાર તથા જાહેર રજાના દિવસોમાં શાળાએ જઈ -જઈને સ્વખર્ચે કરેલ આ પ્રયોગથી શાળા અને વાલ્લા ગામની શોભા ખૂબ જ વધી ગઈ
શાળાના વિદ્યાર્થીઓના શુભ હસ્તે આ પ્રવેશદ્વારને અર્પણ કરાયો. જેમાં શાળાના તમામ વિદ્યાર્થીઓ ઉપર પુષ્પ વૃષ્ટિ કરીને આવકાર્યા હતા. આ પ્રસંગે આચાર્ય જયપાલસિંહ ઝાલા, સરપંચ અશ્વીનભાઈ વાળંદ, ઉપ સરપંચ અશોકભાઈ પરમાર, શાળા પરિવાર, એસ એમસી સભ્યો તથા ગ્રામજનો
ખાસ હાજર રહ્યા હતા.