ભરૂચના શક્તિનાથ લિંક રોડ પર ખુલ્લી ગટરમાં ગાય પડી જતા ગાયને ફાયરબ્રિગેડે ભારે જહેમત બાદ બહાર કાઢી હતી. અવારનવાર ખુલ્લી ગટરોમાં ગાય પડી જવાના કિસ્સા બહાર આવી રહ્યા છે તેમ છતાં નગરપાલિકાના જાડી ચામડીના સત્તાધીશો દ્વારા ખુલ્લી ગટરો કે કાંસને બંધ કરવાની કામગીરી કરવામાં આવતી નથી. આજે સવારે શક્તિનાથના લિંક રોડ પર અચાનક જ ખુલ્લી ગટરમાં ગાય પડી જતા ફાયરબ્રિગેડ અને કામધેનુ ગૌ રક્ષા સમિતિના જવાનોએ ગાયનું રેસક્યુ કરી ગાયને સહી-સલામત બહાર કાઢી હતી.
આ તકે કામધેનુ ગૌ રક્ષા સમિતિના કાર્યકરે જણાવ્યું છે કે માલધારીઓ પોતાના પશુઓને ઘરે રાખે રોડ પર ન છોડે જેથી આ પ્રકારના અકસ્માતો થતાં ટાળી શકાય. પશુ માલિકો દ્વારા ઢોરને આ રીતે ખુલ્લા મુકવામાં આવશે તો તેના પર પણ કાર્યવાહી કરવામાં આવશે.
Advertisement
