સુરત : સ્કૂલમાં વિદ્યાર્થીનીઓ હિજાબ પહેરીને આવતા વિવાદ વકર્યો.

સુરતના હીરાબાગ વિસ્તારમાં એક શાળામાં પરીક્ષા દરમિયાન વિદ્યાર્થીનીઓ હિજાબ પહેરીને આવતા વિવાદ વકર્યો છે.

સુરતના હીરાબાગ વિસ્તારમાં આજે પી.પી.સવાણી સ્કુલમાં પ્રખરતા શોધ કસોટીનું આયોજન કરવામાં આવ્યું હતું. આ પરીક્ષા દરમ્યાન આ શાળાએ કેટલીક વિદ્યાર્થીનીઓ હિજાબ પહેરીને પરીક્ષા આપવા આવેલ હોય આથી હિન્દુ સંગઠનોમાં રોષની લાગણી જન્મી હતી. હિન્દુ સંગઠનના આગેવાનો શાળાની બહાર એકઠા થયા હતા અને હિજાબ પહેરેલી વિદ્યાર્થીનીઓ વિશે યોગ્ય ન હોય તેવું જણાવી હિજાબ પહેરીને શાળાએ જવાનો વિરોધ કર્યો હતો. હિન્દુ સંગઠનના આગેવાનો શાળાની બહાર એકઠા થતા પોલીસે ૮ થી ૧૦ કાર્યકરોને ડીટેઈન કર્યા હતા.