રાજ્યમાં હત્યા જેવા બનાવો જાણે કે સામાન્ય બન્યા હોય તેમ એક બાદ એક જે તે જિલ્લામાં હત્યા અંગેના બનાવો પ્રકાશમાં આવી રહ્યા છે, કેટલાક બનાવોમાં સામાન્ય ઝઘડામાં હત્યાને અંજામ આપવામાં આવી રહ્યું છે તો કેટલાક કિસ્સાઓમાં પ્રેમ પ્રકરણમાં હત્યાને અંજામ આપવામાં આવતા હોય તેવા કિસ્સા આજકાલ લોકો વચ્ચે ચર્ચાનું કેન્દ્ર સ્થાન બન્યા છે, ત્યારે વધુ એક હત્યાની ઘટના અંકલેશ્વર ખાતે થી પ્રકાશમાં આવી છે.
અંકલેશ્વરના અંદાડા ગામ ખાતેની જ્ઞાનદીપ હાઈકુલ નજીક આવેલ શંકર ભગવાનના મંદિર પાસે ભરત લક્ષ્મણ મણવર ઉ.વ ૪૫ નાઓ સાથે તેના જ મિત્ર સંતોષસિંગ જનાર્દન સિંગ રહે.શિવ મંદિર, મહેન્દ્ર નગર અંકલેશ્વર નાઓ સાથે મોબાઈલ બાબતે ઝઘડો થતા ઉશ્કેરાયેલા સંતોષ સિંગે ભરતના માથાના ભાગે સિમેન્ટનો બ્લોક મારી ઇજાઓ પહોંચાડતા ભરતનું ઘટના સ્થળે જ મોત નિપજ્યું હતું.
ઘટના અંગેની જાણ અંકલેશ્વર શહેર પોલીસ મથકે કરવામાં આવતા પોલીસે સ્થળ ઉપર દોડી જઈ મૃતક ભરતની લાશને પોસ્ટમોર્ટમ અર્થે ખસેડી હત્યાને અંજામ આપનાર સંતોષસિંગની ધરપકડ કરી તેની સામે હત્યા અંગેનો ગુનો દાખલ કરી મામલે કાયદેસરની કાર્યવાહી હાથધરી છે.
હારુન પટેલ
