વડોદરા : કરજણ સામૂહિક આરોગ્ય કેન્દ્ર ખાતે ઓક્સિજન પ્લાન્ટનું કરાયું લોકાર્પણ.

વડોદરા જિલ્લાના કરજણ નગરમાં નવાબજાર વિસ્તારમાં આવેલ સી.એચ.સી ખાતે નાગરિકોની સુવિધા માટે નવનિર્મિત ૨૭ લાખના ખર્ચે બનેલ ઓક્સીજન પ્લાન્ટનું લોકાર્પણ કાર્યક્રમ યોજાયો હતો. કરજણના ધારાસભ્ય અક્ષય પટેલના હસ્તે ઓક્સિજન પ્લાન્ટનું લોકાર્પણ કરવામાં આવ્યું હતું.

આ પ્રસંગે નાયબ કલેકટર આશિષ મિયત્રા, જિલ્લા આરોગ્ય અધિકારી ડૉ. જૈન, નગર ભાજપ પ્રમુખ ઉપેન્દ્રભાઈ શાહ, નગરપાલિકા ઉપપ્રમુખ જયેશ પટેલ સહિતના ભાજપ ચૂંટાયેલ તાલુકા નગરના સભ્યો, ભાજપના હોદ્દેદારો, આરોગ્યનો સ્ટાફ તથા તાલુકા નગરના કાર્યકરો હાજર રહ્યા હતા.

યાકુબ પટેલ, કરજણ