ખેડા કલેકટર કચેરી ખાતે ગરીબ કલ્યાણ મેળા અંગેની બેઠક યોજાઇ.

ખેડા જિલ્લામા તા.૨૫ મી ફેબ્રુઆરીના રોજ ગરીબ કલ્યાણ મેળો યોજાશે. સમગ્ર રાજયમાં આગામી તા. ૨૪,૨૫ અને ૨૬ ફેબ્રુઆરીના રોજ ગરીબ કલ્યાણ મેળા યોજવાનું આયોજન કરવામાં આવ્યું છે. ખેડા જિલ્લામાં આગામી તા. ફેબ્રુઆરીના રોજ ગરીબ કલ્યાણ મેળાનું આયોજન કરવામાં આવ્યું છે.

જિલ્લા કલેકટર કે.એલ.બચાણીની અધ્યક્ષતામાં આજે જિલ્લા કલેકટર કચેરી ખાતે ગરીબ કલ્યાણ મેળા અંગેની એક બેઠક યોજાઇ હતી. આ બેઠકમાં જે તે વિભાગે કરવાની કામગીરીની રૂપરેખા જિલ્લા કલેટકર દ્વારા આપવામાં આવી હતી. તેઓએ મહત્તમ લાભાર્થીઓને લાભ આપવા તેમજ એકના એક લાભાર્થીઓને જે તે યોજનાનો લાભ ફરીથી ના અપાઇ જાય તેની તકેદારી રાખવા જણાવ્યું હતું.

આ બેઠકમાં જિલ્લા વિકાસ અધિકારી મેહુલભાઇ દવે, નિવાસી અધિક કલેકટર બી.એસ.પટેલ સહિત જિલ્લાના ઉચ્ચ અધિકારીઓ ઉપસ્થિત રહયા હતા.