વડોદરાની એસ.એસ.જી હોસ્પિટલમાં ધારાસભ્યની ગ્રાન્ટમાંથી મેડિકલ સાધનો અર્પણ કરવામાં આવ્યા હતા. આ તકે જનતા પાર્ટીના મંત્રીમંડળ મેયર સહિતના સભ્યો ઉપસ્થિત રહ્યા હતા. મધ્ય ગુજરાતની સૌથી મોટી હોસ્પિટલ એસ.એસ.જી હોસ્પિટલમાં સયાજીગંજ વિધાનસભાના ધારાસભ્ય જીતેન્દ્ર સુખડિયાની ગ્રાન્ટમાંથી મેડિકલના સાધનો અર્પણ કરવામાં આવ્યા હતા.
આ તકે હોસ્પિટલના તબીબી અધિક્ષક કચેરી ખાતે આવેલ ઓડિટોરિયમમાં ભારતીય જનતા પાર્ટી વડોદરા શહેરના સયાજીગંજ વિધાનસભાના ધારાસભ્ય સહિતના ભાજપના મંત્રીઓ તેમજ મેયર ઉપસ્થિત રહ્યા હતા. આ કાર્યક્રમની શરૂઆત સ્વાગત બાદ મેયર દ્વારા રીબીન કાપી મેડિકલ સાધનો અર્પણ કરવામાં આવ્યા હતા.
આ પ્રસંગે સયાજીગંજ વિધાનસભા ધારાસભ્ય જીતેન્દ્ર સુખડીયા, શહેર મેયર કેયુર રોકડીયા, ડો. રંજન ઐયર, ડો તનુજા જાવડેકર અને ડૉ. બેલીમ ઉપસ્થિત રહ્યા હતા.
Advertisement
